ಟ್ಯಾಗ್ ಗಳು » Kannada Kavana

ಎದೆಯ ಒಳಗೆ ಬರಲು ಬೇಕಾ ಸಮಯ..?!

ಇನಿಯ
ಎದೆಯ ಒಳಗೆ
ಬರಲು ಬೇಕಾ
ಸಮಯ..
ಗೆಳೆಯ
ಕೇಳೋ
ವಿಷಯ
ನಿನದೇ ನನ್ನ
ಹೃದಯ.

Kannada Blogs

ಕಳೆದು ಹೋಗಿರುವೆ ಹುಡುಕಿ ಕೊಡಿ..

ಸದಾ ಜೇಬಲ್ಲಿ ಕೂತು ಆಗೊಮ್ಮೆ ಈಗೊಮ್ಮೆ
ನನ್ನೇ ಮರೆತು ನಾನಿರುವ ಕಲ್ಪನಾ ಲೋಕವನ್ನು
ಕಂಡ ಹಾಗೆ ಹಾಳೆಗಳಿಗೆ ಇಳಿಸುತ್ತಿದ್ದ ನನ್ನ ಲೇಖನಿ
ಇಂದೇಕೋ ನನ್ನಿಂದ ದೂರ..
ಸ್ವಪ್ನಗಳಿಗೆ ಮಾತ್ರ ನಾನಿಂದು ಸ್ವಂತ
ವಾಸ್ತವಕ್ಕೆ ಮತ್ತೆ ಅಪರಿಚಿತ.

ದಾರಿ ಕಳೆದುಕೊಂಡಿರುವೆ ಹುಡುಕಿ ಕೊಡಿ!!
ಇದು ಯಾರ ಪ್ರಯಾಣ ಅನ್ನಿಸಿ ಒಮ್ಮೆಲೇ
ಯಾನ ನಿಲ್ಲಿಸುವ ಮನಸು. ಮತ್ತದೇ ಪ್ರಶ್ನೆ
ಯಾವ ದಾರಿ ಹಿಡಿಯಲಿ ? ಯಾವುದು ನನ್ನದು ?

ಕೂಡಿಟ್ಟ ಕನಸುಗಳನ್ನು ಕಳೆದಿರುವೆ ಹುಡುಕಿ ಕೊಡಿ
ನಾನು ಕೇವಲ ಕನಸುಗಳಿಗೆ ಮಾತ್ರ ಸ್ವಂತ , ಹೇಗಾದ್ರು ಮಾಡಿ ನನ್ನ ಹುಡುಕಿ ಕೊಡಿ!

ಕಳೆದು ಹೋಗಿರುವೆ ಹುಡುಕಿ ಕೊಡಿ..!!

Kannada Blogs

Kannada Kavana 1 – ಕನ್ನಡ ಕವನಗಳು ೧

ಕೊರೆವ ಚಳಿಯಲ್ಲಿ
ಸುರಿವ ಮಳೆಯಲ್ಲಿ
ಗೆಲುವನ್ನು ಕಂಡಿಲ್ಲ
ಆದರು ಸೋತಿಲ್ಲ,
ಉಸಿರು ಇರುವರೆಗೂ
ಛಲವು ಗೆಲ್ಲುವರೆಗೂ
ಸುಮ್ಮನೆ ಕೂರುವುದಿಲ್ಲ
ಎಂದಿಗೂ ಎದೆಗುಂದುವುದಿಲ್ಲ,
ಅಗತ್ಯವಿರುವಷ್ಟು ಇದೆಯಲ್ಲ
ಹಣದ ಬಗ್ಗೆ ವ್ಯಾಮೋಹವಿಲ್ಲ
ಉನ್ನತ ಪದವಿ ದಕ್ಕಿಲ್ಲ
ದಕ್ಕಿಸಿಕೊಳ್ಳಲು ಆತುರವಿಲ್ಲ,
ಮೂಡುವುದು ಮನದಲ್ಲಿ ಸಂತಸ
ಇರಬೇಕು ಆತ್ಮದಲ್ಲಿ ವಿಶ್ವಾಸ
೨೪/೯/೨೦೧೦.

ಬಸ್ಸಿನಲ್ಲಿ ಧೂಮಪಾನ ನಿಷೇಧ ನಿಷೇಧ,
ಬಾರಿನಲ್ಲಿ ಕುಡುಕರಿಗೇ ಪ್ರವೇಶ ಪ್ರವೇಶ,
ಶೋಕದಲ್ಲಿ ಎಲ್ಲರೂ ಸಹ ಕಣ್ಣೀರು ಕಣ್ಣೀರು,
ಪಾಪಿಗಳಿಗೂ ಪಶ್ಚಾತಾಪದ ಕಣ್ಣೀರು ಕಣ್ಣೀರು,
ಎಲ್ಲವನ್ನೂ ಗೆದ್ದವರು ಯಾರಿಲ್ಲ ಯಾರಿಲ್ಲ,
ಕೂತು ತಿಂದ್ರೆ ಕುಡುಕೆ ಹೊನ್ನು ಸಾಲಲ್ಲ ಸಾಲಲ್ಲ,
ಸುಮ್ನೆ ಕೂತ್ರೆ ಸಾಧಿಸಲು ಆಗಲ್ಲ ಆಗಲ್ಲ,
ಸೋಮಾರಿ ಬುದ್ಧಿಮಾತು ಕೇಳಲ್ಲ ಕೇಳಲ್ಲ.
೨೧/೯/೨೦೧೬.
ನಿನ್ನ ನಯನಗಳು ಹೊಳೆಯುವ ನಕ್ಷತ್ರ.
ಪ್ರಕರಣದ ಪ್ರಖರತೆಗೆ ನಾನು ಅತಂತ್ರ.
ನಿನ್ನಯ ಮಾತಲ್ಲಿ ಏನೋ ಇದೆ ಕುತಂತ್ರ.
ಇನ್ಮುಂದೆ ನಾನಲ್ಲ ಸರ್ವ ಸ್ವತಂತ್ರ.
೨೬/೯/೨೦೧೬.

ಭಿಕ್ಷೆ ಬೇಡಿದರೂ ಬಿಡಿಗಾಸು ಬಿಚ್ಚರು,
ಭಕ್ಷ್ಯ ಭೋಜನವ ತಿಂದು ಭಕ್ಷಿಸು ನೀಡುವರು.
ಭರವಸೆ ನೀಡಿ ಭಕ್ಷಿಸುವ ಬರಗೆಟ್ಟ ರಾಕ್ಷಸರು.
೩೦/೯/೨೦೧೬.

Kavana-ಕವನಗಳು

ನಿನ್ನ ಮೌನವೇ ಮುನ್ನುಡಿ !!

ಹೃದಯ ಬರೆದ ಕವನ ಸಂಕಲನಕೆ
ನಿನ್ನ ಮೌನವೇ ಮುನ್ನುಡಿ
ನಿನ್ನ ನೆನಪುಗಳೇ ಪರಿವಿಡಿ
ನಿನ್ನ ಕನಸುಗಳೇ ಪುಟವಿಡಿ

Kannada Blogs

ಸ್ವಪ್ನವ ಸ್ಪರ್ಶಿಸೊ ಸೋಜಿಗ ನೀನು ...

ಸ್ವಪ್ನವ ಸ್ಪರ್ಶಿಸೊ
ಸೋಜಿಗ ನೀನು
ಕಣ್ಣಲ್ಲೇ ಕೊಲ್ಲುವ
ಮಾಂತ್ರಿಕ ನೀನು
ಯಾಕಿಷ್ಟು ಕಾಯೋದು ನಾನು
ಒಮ್ಮೆಲೇ ಸಿಗಬಾರದೇ ನೀನು !

ಹಿಡಿಯಲು ನೀನು ನನ್ನ ಕೈಯ
ಮರೆವೆನು ನಾನು ನನ್ನ ಮೈಯ
ವಿರಹದಿ ಮೂಡಿರಲು ಗಾಯ
ನಿನ್ನ ಕಂಡಕ್ಷಣವೇ ಮಾಯ!
ನಿನ್ನ ನೆನಪೇ ನನ್ನ ಉಳಿತಾಯ
ಅದನ್ನೂ ದೂಚು ಬಾ ಇನಿಯ…

ನಲ್ಮೆಯ ನೌಕೆಯ
ನಾವಿಕ ನೀನು
ವಿಸ್ಮಯ ಲೋಕದ
ನಾಯಕ ನೀನು
ಮತ್ತೆಷ್ಟು ಕಾಯೋದು ನಾನು
ನನ್ನಲ್ಲೇ ಸಿಗಬಾರದೇ ನೀನು !

Kannada Blogs

ಸಂಜೆ...

ಒಂಟಿ ಹೃದಯಗಳನು
ಸುಮ್ಮನೆ ಸೋಕಿ
ತಂಪೆರದು ಹೋಗುವ
ತಂಗಾಳಿ!

ಅಪರಿಚಿತವರನ್ನು
ಪರಿಚಿತರನ್ನಾಗಿಸುವ
ಪಾರ್ಕಿನ ಮೂಲೆಯಲ್ಲಿನ
ಅಪರಿಚಿತ ಬೆಂಚು!

Kannada Blogs