Tags » Kannada Kavana

ಹನಿ ಕಥನ

ಯುದ್ಧ ಬೇಕು ಯುದ್ದ ಬೇಕು
ಅಟ್ಟಹಾಸಗೈದವನ ಮಗ ಅಮೆರಿಕಾದಲ್ಲಿ
ಸಾಫ್ಟ್ವೇರ್ ಇಂಜಿನಿಯರ್;
ಶಾಂತಿ, ಶಾಂತಿ, ಯುದ್ದ ಬೇಡ
ಗೋಗರೆಯುತ್ತಿದ್ದವನ ಮಗ
ಗಡಿ ಕಾಯುವ ಯೋಧ..

__

ವೃದ್ದಾಶ್ರಮ ಸೇರಿರುವ ರಾಯರು
ಹೊತ್ತು ಕಳೆಯಲು
“ಪೋಷಕರ ಪೋಷಣೆ ಮಕ್ಕಳ ಕರ್ತವ್ಯ”
ವಿಷಯದ ಮೇಲೆ ಹೊಸ ತಲೆಮಾರಿನ ಯುವಕರಿಗೆ
ಆದರ್ಶ ಪಾಠ ಹೇಳಿಕೊಡುತ್ತಿದ್ದಾರೆ.

__

“ಯತ್ರ ನಾರ್ಯಸ್ತು ಪೂಜ್ಯಂತೆ,
ರಮಂತೆ ತತ್ರ ದೇವತಾ” ಎಂದು
ಮೊನ್ನೆ ಪ್ರವಚನ ಕೊಟ್ಟ ಅಧ್ಯಾತ್ಮಿಕ
ಗುರುವನ್ನು , ನಿನ್ನೆ ಅತ್ಯಾಚಾರ
ಪ್ರಕರಣದಲ್ಲಿ ಬಂದಿಸಲಾಗಿದೆ.

Add Comments

Kannada Kavana

ಸಂತೆಯೊಳಗಿನ ಹೃದಯ

ಆಕೆ,,,,,, ಪದಗಳಿಗೆಲ್ಲ
ಭಾವದ ಬಣ್ಣ ಬಳಿದು
ಪೋಣಿಸಿ ಮಾಡಿದ
ಸರವೇ
ಸತ್ತ ಅವನ
ಹೃದಯಕ್ಕೆ
ಹಾರವಾದಾಗ,
ಚಟ್ಟ ಬಂದು
ಸಂತೈಸಿತಂತೆ,

ಸಂತೆಯೊಳಗೆ
ಹೃದಯ ಕೊಳ್ಳುವಾಗ
ಸ್ವಲ್ಪ ಗಟ್ಟಿಯಾದ್ದನ್ನು
ಕೊಳ್ಳಲಿಲ್ಲ ಯಾಕೆಂದು,,

– ಜೀ ಕೇ ನ

ಹಾಗೆ ಸುಮ್ಮನೆ

ಖಾಲಿ ಬಾಟಲಿಯ ಶಬ್ಧಗಳು

ಕೆಂಪು ಸೂರ್ಯ
ಬೆಳಕು ನೀಡುವ ಬರದಲಿ,
ಸುರ್ಯೋದಯವನೇ ನೋಡಲಿಲ್ಲ,
ಮದುರ ಕ್ಷಣಗಳ ನೆನೆಯಲಿಲ್ಲ,,,
ಪ್ರೇಯಸಿ ಭೂಮಿಯನು,
ಕಳೆದುಕೊಂಡು ಕೊಟ್ಯಾಂತರ
ವರ್ಷಗಳಾದರೂ
ಅವನೊಳಗಿನ ಪ್ರೇಮದ ಕಿಚ್ಚಿಗೆ
ಬೆಂಕಿ ಹಚ್ಚಿ,,,,
ಪ್ರೇಯಸಿಯ ಕಾದಿಹನು,,,,
ಹಗಲಿರುಳು ಎಡೆ ಬಿಡದೆ…
ನಾನು, ಕಾಣದ ಹುಡುಗಿಗೆ
ಹಂಬಲಿಸಿದ್ದೂ ಹೀಗೆ !!

************************************

ನಿಟ್ಟುಸಿರು ನಿಂತ ಕೊನೆ ಗಳಿಗೆ,
ಬದುಕು ಚಟಾರನೆ ಕೆನ್ನೆಗೆ ಹೊಡೆದು ;
ನನ್ನ ಬದುಕುವುದೆಂದರೆ
ಮರ(ರು)ಳ ಕ(ಕ್ಷ)ಣಗಳ ಮನೆಯನು
ಸಾಗರದ ತೀರದಲಿ ಕಟ್ಟಿ
ಕಾಮನೆಯ ಮಳೆ ಬಂದಾಗ
ಓಡಿ ಹೋಗುವ,
ಜಾತ್ರೆಯ ಗಿಟಾರೆಂದುಕೊಂಡೆಯ ?
ಎಂದಡಿಗಡಿಗೆ ಕೇಳುತ್ತಿದೆ,

************************************

ಕಿತ್ತ ಟಾರು ರಸ್ತೆಯ ಮಧ್ಯ
ಅಲಗಿ ಕುಲುಕಿ,,
ಬದುಕು ಸವೆಸಿದ ದಿನಗಳನು
ಖಾಲಿ ಸಪಾಟು ರೋಡಿನಲೂ
ನೆನಪಿಸಿಕೊಂಡು,
ಮಳೆ ಬರದೆಯೂ ಕೊಡೆ ಹಿಡಿಯುವ
ಹುಡುಗಿಯ ಕಣ್ಣೋಟಕೆ ಬೈದರೆ !!
ಹುಡುಗಿಯೊಳಗಿನ ಹೆಣ್ಣು
ಸತ್ತಿರುವಳೇ ?

***********************************

ಬೇಡವಾದ ಕೆಸರಿನಲೇ
ಕಮಲ ಅರಳಿ ನಿಲ್ಲುವುದು
ಕೋಮಲತೆಯ ಮೆರೆವುದು,
ಬೇಡವಾದ ಹೃದಯದಲಿ
ನಿನ್ನ ನೆನಪು ನಿಂತಹಾಗೆ,,,
ಏಕಾಂಗಿಯಾಗಿ ಸಾಯಲು ಬಿಡದೆ
ನನ್ನನೇ ಕೊಂದ ಹಾಗೆ,

***********************************

ಖಾಲಿ ಬಾಟಲಿಯನು ಅಲ್ಲಾಡಿಸಿ
ಎವೆಇಕ್ಕದೇ ನೋಡಿ,
ಸತ್ತ ಹಲವು ಕನಸುಗಳು,
ಅಲ್ಲೇ ಬಿದ್ದಿರುತ್ತವೆ, ಶಬ್ದವಿಲ್ಲದೇ
ಮೌನವಾಗಿ ….
ಬಾಟಲಿಯೊಳಗಿನ ಮಧ್ಯ ಖಾಲಿಯಾಗಿ
ಅದರಲಿ ತುಂಬಿದ ಭಾವಗಳನು
ಎರವಿಗೆ ಪಡೆದರೆ,
ಮಲ್ಯನೂ ಕಾಲು ಕಸ,
ಹುಡುಗನ ಪ್ರೀತಿ ಶ್ರೀಮಂತಿಕೆಗೆ,

– ಜೀ ಕೇ ನ

ಹಾಗೆ ಸುಮ್ಮನೆ

** ಪ್ರೇಮ **

ಹದವರಿಯದ ನೆಲಕ್ಕೂ

ಮೋಡಕಟ್ಟದ ಬಾನಿಗೂ

ಪ್ರೇಮ ಸಂಭವಿಸಬೇಕು,,,,

ಇಬ್ಬರ

ಪ್ರೇಮ ಸಲ್ಲಾಪದಲಿ

ಬಾನಿಂದ

ಮಳೆ ಹನಿದಾಗ ;

ನೆಲ, ನಾಚಿಕೆಯನು ಬದಿಗಿಟ್ಟು

ತುಟಿಬಿರಿದು,

ಮಳೆಯ, ಹನಿ-ಹನಿಯನೂ

ಆಸ್ವಾದಿಸಬೇಕು,,,,

ಬಾನು-ಭುವಿಯ

ಮಿಲನ ಸಂಭ್ರಮದಲಿ,

ನಮ್ಮ ಬೆನ್ನೆಲುಬುಗಳು

ದಿಟ್ಟವಾಗುತ್ತವೆ ;

ಅದೇ ಪ್ರೆಮದಿಂದಲೇ

ಬೀಜ ಬಿತ್ತಿ

ಪೈರು ತೆಗೆದು

ಹೊಟ್ಟೆಯ ಹಸಿವು ತಣಿಸಿಕೊಳ್ಳಬೇಕು ;

**************************************

ಇಲ್ಲೇನಾಗಿದೆ ?

ಬಾನು, ಪ್ರೇಮದ

ಉತ್ತುಂಗದಲಿ ಮಳೆ ಹರಿಸಿದರೂ.

ಒಂದು ಹನಿಯೂ

ಭುವಿಯ ಗರ್ಭ ಸೇರುತ್ತಿಲ್ಲ,,,

ಕಾಂಕ್ರೀಟಿನ ಹೊದಿಕೆಯೊಳಗೆ,

ಭುವಿಯ ತುಟಿಯನು

ಬಾನು ಚುಂಬಿಸದಂತೆ ಹೊಲಿದು

ಬಿಟ್ಟಿದ್ದೇವೆ,,,

ನಾಚಿಕೆ ಇಲ್ಲದ ನಾವುಗಳು,,,

– ಜೀ ಕೇ ನ

ಹಾಗೆ ಸುಮ್ಮನೆ